Mín skoðun

381.þáttur. Mín skoðun. Heil og sæl og velkomin til leiks. Þórhallur Dan er á línunni í dag í uppahfi þáttar. Við ræðum um PepsiMax leikina sem fóru fram í gær og Tóti tjáir sig eins og honum einum er lagið. Við ræðum einnig um Barcelona sem virðist vera nánast gjaldþrota og svo Ronaldo en líkur aukast nú á að hann fari frá Juventus. Þá heyri ég í Benedikt Guðmundssyni körfuboltaþjálfara og gúru en Ísland mætir dönum í dag í undankeppni HM þar sem Ísland þarf sigur til að tryggja sig áfram. Njótið.

380.þáttur. Mín skoðun. Heil og sæl öllsömul. Í dag heyri ég í Þórhalli Dan Jóhannssyni. Við ræðum um enska boltann um helgina, Haaland hjá Dortmund og svo einnig um bréf Hönnu Bjargar Vilhjálmsdóttur kennara sem birt var í fjölmiðlum um helgina. Þá hringi ég í Andra Stein Birgisson og við ræðum um Lengjudeildina. Þar förum við inná dómgæslu og annað en alvarlegt atvik átti sér stað í leik Kórdrengja og ÍBV þar sem leikmaður Kórdrengja var fluttur á sjúkrahús. Andri Steinn er svo 100% viss um valskonur séu orðnar íslandsmeistarar í PepsiMax deildinni eftir sigur á blikum á föstudag. Þetta og fleira til í spjalli mínu við Þórhall Dan og Andra Stein í dag. Njótið. 

379.þáttur. Mín skoðun. Heil og sæl og velkomin til leiks. Í dag er nóg um að vera. Tippari vikunnar er enginn annar en Hreimur, Lífið er yndislegt. Við ræðum um leiki helgarinnar og förum aðeins í stöðuna hjá honum í tónlistarbransanum. Benedikt Guðmundsson körfuboltasérfræðingur er á línunni en við ræðum um íslenska karlalandsliðið sem er nú við þátttöku í undankeppni HM. Ísland tapaði í gær fyrir Svartfjallalandi og í dag er andstæðingurinn lið Danmerkur. Þá heyri ég í Andra Steini Birgissyni og þar á eftir í Hödda Mag. og við förum yfir spár þeirra í enska boltanum og þýska boltanum. Það er þvílíkt gaman að hlusta á þá tala um sínar spár. Auk þess förum við Andri Steinn yfir gang mála í Lengjudeildinni, PepsiMax karla og kvenna og svo bikarinn.  Njótið.

378.þáttur. Mín skoðun. Góðan og blessaðan daginn. Í dag heyri ég í Andra Steini Birgissyni og við ræðum um boltann hér heima, Mjólkurbikarinn, Breiðablik, sektir þjálfara og fleira. Þá hringi ég út til Podgorica í Svartfjallalandi og heyri fyrst í Hannesi S. Jónssyni formanni KKÍ og síðan í Hjalta Vilhjálmssyni aðstoðarþjálfara karlalandsliðsins en Ísland mætir Svartfjallalandi í dag í undankeppni HM.  Ég talaði við Hannes um kostnaðinn við svona ferðalag, styrk frá hinu opinbera, Laugardalshöll og margt fleira. Njótið. 

377.þáttur. Mín skoðun. Velkomin til leiks öllsömul. Í dag er góður dagur. Ég hringi í þann ágæta kappa, Andra Stein Birgisson og við ræðum um allt sem skiptir máli eða þannig. Mjólkurbikarinn í karlaflokki er tekinn fyrir, bæði leikirnir í gær og sem eru á dagskrá í kvöld. Þá er Lengjudeildin á sínum stað, Messi kemur við sögu sem og þetta ótrúlega lið sem PSG er orðið og margt margt fleira. Njótið. 

376.þáttur. Mín skoðun. Heil og sæl öllsömul. Í dag heyri ég í Andra Steini Birgissyni og við höfum um margt að spjalla. PepsiMax karla, Lengjudeildina og Mjólkurbikarinn svo eitthvað sé nefnt. Þá förum við í fréttir og slúður og Andri Steinn er alveg á því að Messi verði áfram hjá Barcelona. Njótið. 

375.þáttur. Mín skoðun. Velkomin til leiks. Í dag er góður dagur. Andri Steinn Birgisson er spjalli dagsins og við förum yfir leikina í PepsiMax deild karla sem voru í gær. Þar voru óvænt úrslit og gekk mikið á og þá sérstaklega uppá skaga. Við förum yfir leikina og einnig tölum við um leik kvöldsins á milli Stjörnunnar og Breiðabliks. Fréttir og slúður er á sínum stað að sjálfsögðu. Njótið. 

374.þáttur. Mín skoðun. Heil og sæl og velkomin til leiks. Það er nóg um að vera í dag. Tippari vikunnar er maðurinn með englaröddina, Valdimar Guðmundsson. Við ræðum um boltann og hann tippar á 5 leiki á Lengjunni ásamt því að við tölum um hans líf sem tók breytingum fyrir um 3 vikum. Þá hringi ég í Andra Stein Birgisson og við tölum um Lengjudeildina, PepsiMax, og svo stóru fréttina, Messi á förum frá Barcelona. Það og margt margt fleira hjá okkur. Njótið helgarinnar. 

373.þáttur. Mín skoðun. Komiði sæl og blessuð. Í dag hringi ég í Andra Stein Birgisson og við ræðum um PepsiMax deild karla sem var í gær. Andri Steinn telur að ÍA eigi ekki sjens lengur á að halda sér uppi eftir tap liðsins í gær. Það og margt fleira þar. Þá tölum við um leik Breiðabliks og Aberdeen í Sambandsdeildinni í kvöld og einnig um Lengjudeildina en 15.umferð hefst í kvöld með stórleik Fram og Fjölnis. Við fjöllum svo um fréttir af Lukaku og hvaða laun hann kemur til með að fá hjá Chelsea og margt fleira. Njótið. 

372.þáttur. Mín skoðun. Heil og sæl öllsömul. Í þætti dagsins hringi ég í Andra Stein Birgisson og við ræðum um PepsiMax leikina sem voru í gær. Andri Steinn var mjög getspakur í gær en við vorum ekki alveg sammála um tvö atriði í leik Fylkis og Leiknis. Við ræðum einnig um leiki kvöldsins en það er stórleikur að Hlíðarenda þar sem stórveldin Valur og KR mætast. Slúður og fréttir eru svo á sínum stað þar sem Haaland, Lukaku, Kane og fleiri koma við sögu. Njótið.