September 16, 2021
403.þáttur. Mín skoðun. Heil og sæl og velkomin til leiks. Vestramenn eru kátir í dag eftir sigur á Val í Mjólkurbikarnum í gær. Að því tilefni hringi ég í Herra Vestra, Samúel Samúelsson, og við spjöllum um leikinn, þjálfaramál, leikmannamál og margt fleira. Því næst hringi ég í Þórhall Dan Jóhannsson. Við förum yfir gang mála í Mjólkurbikarnum í gær, Meistaradeildina, handboltann, Evrópudeildina og svo þjálfarakapalinn hér innanlands í fótboltanum. Njótið.
September 15, 2021
402.þáttur. Mín skoðun. Velkomin til leiks. Í þætti dagsins förum ég og Þórhallur Dan yfir ansi margt. Við byrjum á Meistaradeildinni, förum síðan í Mjólkurbikarinn og blöndum Heimi Guðjóns inní þá umræðu. Lárus Orri Sigurðsson er ekki alveg sáttur með Arnar Þór Viðarsson landsliðsþjálfara og sendi honum kveðju á Twitter í gær. Við ræðum það aðeins. Undanúrslit í bikarnum í handbolta eru klár og við tölum um Laugardalshöll og allt það bull. Inní það tal okkar blandast svo einhvernveginn tal okkar um lífeyrissjóði og þá steypu hér á landi og allt í kringum það. Við erum nú meiri mennirnir, ég og Tóti Dan. Njótið.
September 14, 2021
401.þáttur. Mín skoðun. Heil og sæl. Ég og Þórhallur Dan förum yfir sportið í dag. Litla tippkeppnin er rædd og svo einnig Meistaradeildartippið hjá okkur félögum. Þá ræðum við um formannskjör KSÍ og veltum upp nöfnum í Krummasögum dagsins og þá förum við aðeins í þjálfarakapalinn, bikarinn í handbolta og margt margt fleira. Njótið.
September 13, 2021
400.þáttur. Mín skoðun. Heil og sæl og velkomin til leiks. Ég og Þórhallur Dan Jóhannsson ræðum málin í dag. Við vörum yfir gang mála í PepsiMax deildinni en þar er staðan í Litlu-tippkeppninni, mjög ójöfn. Við förum einnig í landsliðsmál, enska boltann og svo margt og mikið meira. Njótið.
September 10, 2021
399.þáttur. Mín skoðun. Velkomin til leiks. Tippari vikunnar er Sævar Pétursson framkvæmdastjóri KA. Við förum yfir leikina 5 sem ég valdi fyrir hann á Lengjunni ásamt því að ræða um málefni KA, KSÍ og hvort Sævar sé á leiðinni í framboð til formanns KSÍ. Þá heyri ég í Andra Steini Birgissyni sérfærðingi mínum í Lengjudeildinni. Við förum yfir leiki helgarinnar og ræðum einnig um þann mikla þjálfarakapal sem er framundan í Lengjudeildinni. Þá hringi ég í Þórhall Dan Jóhannsson og við Tóti ræðum um leikina í PepsiMax sem eru um helgina. Við spjöllum svo um málefni KSÍ og komum víða við þar. Njótið helgarinnar.
September 9, 2021
398.þáttur. Mín skoðun. Heil og sæl og velkomin til leiks. Ég og Þórhallur Dan förum í dag yfir landsleikinn í gær. Tóti liggur ekki á skoðunum sínum gagnvart liðsvali og fleira og við ræðum um framtíðina. Hvernig verður þetta í næstu keppni? Ísland er í næstneðsta sæti síns riðils og ekki miklar líkur á að okkar strákar nái að fara ofar í riðlinum. Við ræðum einnig um aðra leiki sem voru í gær, blikastúlkur sem mæta Osijek í Meistaradeildinni í dag og margt margt fleira. Njótið.
September 8, 2021
397.þáttur. Mín skoðun. Heil og sæl. Í dag ræðum ég og Þórhallur Dan um landsleikinn í kvöld gegn Þýskalandi og einnig um U21 árs liðið sem gerði jafntefli við Grikkland í gær. Tóti velur sitt byrjunarlið og spáir síðan í leikinn ásamt því að við tölum um ýmislegt fleira. Þá hringi ég í Voga á Vatnsleysuströnd og heyri í Herra Þrótti Vogum, Marteini Ægissyni. Þróttur V leikur í Lengjudeildinni á næstu leiktíð og er það í fyrsta sinn í sögu félagsins sem það gerist. Njótið og ÁFRAM ÍSLAND.
September 7, 2021
396.þáttur. Mín skoðun. Góðan og blessaðan daginn. Í dag ræðum ég og Þórhallur Dan um helstu málefni sportsins, U21 árs landsliðið, Lengjudeildina, þjálfaramál, KSÍ, Facebookfærslu Sigurðar G.Guðjónssonar, formannsefni KSÍ og margt margt fleira. Njótið.
September 6, 2021
395.þáttur. Mín skoðun. Velkomin til leiks. Í dag heyri ég í Andra Steini Birgissyni sérfræðingi mínum um Lengjudeildina og við ræðum um leiki helgarinnar og margt fleira. Þar á eftir hringi ég í Þórhall Dan Jóhannsson gúrú, og við tölum um landsliðið í fótbolta, leikinn í gær og næsta leik og svo um KSÍ málið. Við ræðum einnig um Brasilíu Argentínu og margt margt fleira. Njótið.
September 3, 2021
394.þáttur. Mín skoðun. Heil og sæl. Ég og Andri Steinn Birgisson ræðum um Lengjudeildina í fótbolta en 5 leikir eru á dagskrá nú um helgina. Andri Steinn veit gjörsamlega allt um þessa deild. Þá heyri ég í Þórhalli Dan og við förum yfir landsleikinn í gær. Þá fer Tóti inná KSÍ málið í allri sinni mynd og talar með tveimur hrútshornum. Við ræðum einnig um U21 árs liðið, enska landsliðið og margt margt fleira. Njótið helgarinnar. Áfram ÍSLAND.
