Mín skoðun

391.þáttur. Mín skoðun.  Heil og sæl. Afsakið hvað þáttur dagsins kemur seint inn en það er vegna tæknimála en nú er sem sagt allt komið í lag. Í þætti dagsins heyri ég í Þórhalli Dan og við förum yfir mál málanna, KSÍ. Þar gengur mikið á og Tóti Dan liggur ekki á skoðunum. Við tölum líka um PepisMax kvenna en Fylkir er í fallsæti í þeirri deild og svo um þjálfaraskipti hjá karlaliði Fylkis. Þá hringi ég í Andra Stein Birgisson sérfræðing minn í Lengjudeildinni og við förum yfir leiki dagsins. Njótið.

390.þáttur. Mín skoðun. Heil og sæl og velkomin til leiks. Í þætti dagsins förum ég og Þórhallur Dan Jóhannsson yfir víðan völl. Við byrjum á að fara yfir stórtíðindi gærgadsins þar sem formaður KSÍ sagði af sér. Tóti Dan er með sína skoðun á öllu þessu máli og talar með tveimur hrútshornum eins og stundum er sagt. Við förum einnig yfir PepsiMax karla þar sem blikar tróna á toppnum en Fylkir er í fallsæti. Þá förum við í enska boltann, Ronaldo, þýska boltann og fleira til. Njótið. 

389.þáttur. Mín skoðun. Heil og sæl og velkomin til leiks. Í dag er nóg um að vera. Þórhallur Dan er fyrsti viðmælandinn og við förum yfir PepsiMax deild karla, enska boltann, Meistaradeildina, Ronaldo og svo um viðtal Kastljóss við Guðna Bergsson í gær. Tippari vikunnar er Heimir Eyvindarson texta-og lagahöfundur, meðlimur í hljómsveitinni Á Móti Sól, Liverpool-aðdáandi með meiru. Hann er nýlentur í Liverpool-borg en hann ætlar að fara á leik Liverpool og Chelsea á morgun. Heimir tippar á 5 leiki á Lengjunni ásamt því að við spjöllum um daginn og veginn.  Þá er Andri Steinn Birgisson sérfræðingur minn í Lengjudeildinni á línunni. Andri Steinn fer yfir leiki helgarinnar og eins og svo oft áður, þá er hann ótrúlega getspakur. Njótið helgarinnar. 

388.þáttur. Mín skoðun. Velkomin til leiks. Í þætti dagsins heyri ég í Þórhalli Dan. Við ræðum um PepsiMax kvenna þar sem Valur varð Íslandsmeistari í gær og við óskum valsstúlkum innilega til hamingju með titilinn. Við ræðum einnig um PepsiMax karla þar sem Breiðablik er komið í efsta sæti þegar fjórar umferðir eru eftir. Þá höldum við áfram að ræða um landsliðið okkar í fótbolta en hópurinn sem mætir Rúmeníu, N-Makedóníu og Þýskalandi í undankeppni HM var valinn í gær. Tóti er með margar spurningar varðandi valið. Þá förum við yfir Ronaldo og Man.City sem allt stefnir í að gangi eftir þ.e. að Ronaldo sé á leiðinni í ensku úrvalsdeildina á ný. Njótið.

387.þáttur. Mín skoðun. Heil og sæl. Í dag var landsliðshópurinn valinn sem mætir Rúmeníu, Norður Makedóníu og Þýskalandi í undankeppni HM í fótbolta. Ég og Þórhallur Dan ræðum um valið og stöðu landsliðsins. Við tölum einnig um PepsiMax karla en þrír leikir eru í dag og svo geta valsstúlkur tryggt sér Íslandsmeistaratitilinn í dag með sigri á Tindastóli. Krummasögur eru einar þrjár í þætti dagsins og svo einnig fréttir og slúður þar sem Ronaldo, Mbappe, Kane og fleiri koma við sögu. Njótið. 

386.þáttur. Mín skoðun. Góðan og blessaðan daginn. Í dag hringi ég í Þórhall Dan og við ræðum um leikina í PepsiMax karla í gær. Tóta er tíðrætt um leik Stjörnunnar og Fylkis þar sem garðbæðingar höfðu 2-0 sigur. Við ræðum einnig um West Ham sem er nú á toppi ensku úrvalsdeildarinnar eftir sigur á Leicester  í gær og svo ræðum við einnig um Ronaldo. Seinna símtal dagsins er við Andra Stein Birgisson sérfræðing minn í Lengjudeildinni en 5 leikir eru í dag í deildinni. Andri Steinn spáir í spilin fyrir leiki dagsins. Njótið.

385.þáttur. Mín skoðun. Heil og sæl og velkomin til leiks. Í þætti dagsins fer ég yfir gang mála í sportinu með Þórhalli Dan. Það var nóg um að vera um helgina og fjörið heldur áfram. PepsiMax karla og kvenna, enski boltinn, ítalski boltinn, Mourinho, Ronaldo og svo íslenska landsliðið sem verður valið í vikunni fyrir leikina gegn Rúmeníu, Norður Makedóníu og Þýskalandi í undankeppni HM. Njótið dagsins. 

384.þáttur. Mín skoðun. Heil og sæl og velkomin til leiks. Tippari vikunnar er að þessu sinni Siggi Hlö hinn eini sanni. Kappinn sá heldur með Víkingi og Man.Utd. svona ef það skyldi hafa farið framhjá einhverjum. Hann tippar á 5 leiki á Lengjunni og við ræðum um liðin og einnig um ferðaskrifstofubransann en Siggi á Visitor.is sem sérhæfir sig í fótboltaferðum meðal annars. Þá er Þórhallur Dan á línunni en við ræðum um Lengjudeildina, PepsiMax, enska boltann, þýska boltann, Mourinho, fréttir og slúður. Nóg um að vera hjá okkur félögum. Njótið helgarinnar. 

383.þáttur. Mín skoðun. Komið þið sæl og blessuð. Í dag ræðum ég og Þórhallur Dan um PepsiMax kvenna, boltann í Evrópu, slúður og fréttir, þar á meðal um Kane, Mbappe, Donnarumma og Mourinho. Þá heyri ég í Andra Steini Birgissyni um Lengjudeild karla. Þrír leikir eru í kvöld og við förum yfir sviðið. Andri Steinn er afar fróður um Lengjudeildina. Njótið.

382.þáttur. Mín skoðun. Heil og sæl. Í dag hringi ég fyrst í Þórhall Dan og við förum um víðan völl í boltanum. PepsiMax kvenna, eyjamenn í sóttkví, yfirlýsing KSÍ vegna ofbeldimála og margt margt fleira. Því næst hringi ég til Svartfjallalands og heyri í Hannesi S.Jónssyni formanni KKÍ sem er rámur eftir sigur Íslands á dönum í gær og einnig heyri ég í Kristni Pálssyni leikmanni Íslands. Þeir tveir voru glaðir rétt áður en haldið var heim á leið. Benedikt Guðmundsson þjálfari Njarðvíkur og körfuboltagúrú er einnig í spjalli þar sem við ræðum um árangur Íslands og leikinn í gær og einnig komum við inná stöðu mála hjá Njarðvík. Njótið.