Mín skoðun

1015.þáttur. Mín skoðun. 30052025

Heil og sæl. Í dag heyri ég í Haraldi Hróðmarssyni þjálfara Grindavíkur í fótbolta og við förum ítarlega í Bestu deild karla ásamt því að spá í næstu umferð. Við tölum einnig um Lengjudeildina og fleira fleira til og svo ein Krummasaga. Svanvhít er svo á línunni um Noreg-Ísland í Þjóðadeild kvenna í fótbolta. Við tölum einnig um Bestu deildina, förum vel í fréttir og flúður hér innanlands og ytra og svo ein Krummasaga að auki ásamt fleiru. Njótið og takk fyrir að hlusta. 

1014.þáttur. Mín skoðun. 27052025

Heil og sæl. Í dag heyri ég í Kristni Kærnested og við tölum ítarlega um Bestu deild karla og spáum í spilin í næstu umferð ásamt því að tala um fögnuð stuðningsmanna Liverpool sem síðan breyttist í hörmungar. Því næst eru tveir handboltaþjálfarar í spjalli. Fyrst er Ágúst Jóhannsson þjálfari kvennaliðs Vals í viðtali og síðan Einar Jónsson þjálfari karlaliðs Fram. Það er af nógu að taka í þætti dagsins og takk fyrir að hlusta. 

1013.þáttur. Mín skoðun. 23052025

Í þætti dagsins heyri ég í Ægi Þór Steinarssyni körfubolta snillingi. Við tölum um úrslitakeppnina, landsliðið, Hlyn Bærings og svo margt margt fleira, mjög gaman. Bjarni Fritzson handboltaþjálfari, rithöfundur og fleira er á línunni um Fram og Íslandsmeistaratitil þeirra í gær. Við ræðum um handbolta vítt og breytt. Að lokum heyri ég svo í Kristni Kærnested og við tölum um úrslitaleik Evrópudeildarinnar, Bestu deild karla og lokaumferð ensku úrvalsdeildarinnar sem er um helgina ásamt fleiru. Njótið og takk fyrir að hlusta. 

1012.þáttur. Mín skoðun. 20052025

Í þætti dagsins eru þrír viðmælendur. Teitur Örlygsson körfuboltagoðsögn ræðir við mig um úrslitaleik Tindastóls og Stjörnunnar og einnig um nýja reglugerð varðandi útlendinga í boltanum hér heima og fleira til. Bjarni Fritzson handboltaþjálfari og rithöfundur með meiru ræðir við mig um Fram og Val í úrslitakeppni karla og svo einnig um Val og Hauka í úrslitakeppni kvenna. Kristinn Kærnested er svo í spjalli um Bestu deild karla, landsliðsvalið, úrslitaleik Man.United og Tottenham og margt margt fleira. Njótið og takk fyrir að hlusta. 

1011.þáttur. Mín skoðun. 16052025

Heil og sæl. Í dag er Þórhallur Dan í spjalli um Bestu deild karla og kvenna, Mjólkurbikarinn, enska boltann, kjör forseta ÍSÍ og margt, margt fleira. Bjarni Fritzson er í vðtali um úrslitaeinvígi Vals og Fram í handboltanum og svo er Teitur Örlygsson á línunni um úrslitaeinvígi Tindastóls og Stjörnunnar. Ég tala einnig við Teit um dómaramál KKÍ og svo hvern hann myndi kjósa sem forseta ÍSÍ. Þetta og sitthvað fleira í þætti dagsins. Njótið og takk fyrir að hlusta.

1010.þáttur. Mín skoðun. 12052025

Í þætti dagsins heyri ég í Snorra Steini Guðjónssyni landsliðsþjálfara í handknattleik. Við tölum um stöðu liðsins, veltum upp mögulegum mótherjum í úrslitakeppninni og ég fékk Snorra Stein til að spá hvaða lið hann vill fá í riðilinn ásamt fleiru. Kristinn Kærnested er á línunni um Bestu deildina þar sem Vestri heldur áfram að koma á óvart. Hvaða lið hafa valdið vonbrigðum? Enski boltinn og meistaradeildarbaráttan ásamt því að við spáum í spilin í Mjólkurbikarnum. Svanhvít er svo í spjalli um úrslitakeppnina í körfubolta. Þar ber hæst viðureign Stjörnunnar og Tindastóls en það varð allt vitlaust í leik liðanna í gær. Hauka og Njarðvík mætast í hreinum úrslitaleik kvenna í kvöld. Ýmislegt fleira er til umræðu. Njótið og takk fyrir að hlusta. 

1009.þáttur. Mín skoðun. 09052025

Heil og sæl. Í dag hringi ég til Spánar þar sem Ágúst Jóhannsson þjálfari kvennaliðs Vals er á línunni en Valur og Porrino mætast á morgun í fyrri úrslitaleik sínum í Evrópubikarnum. Þórhallur Dan er svo í spjalli og við tölum um son hans, Dag Dan, og einnig um Bestu deild karla og svo Man.United sem er komið í úrslit Evrópudeildarinnar. Svanhvít er svo á línunni og við ræðum um Tindastól-Stjörnuna, og Haukar-Njarðvík í körfunni og svo um dómgæsluna. Þá tölum við um enska boltann, Bestu deild kvenna og evrópuboltann ásamt fleiru. Njótið og takk fyrir að hlusta. 

1008.Þáttur. Mín skoðun. 06052025

Heil og sæl. Í dag heyri ég í Kristni Kærnested og við spjöllum um Bestu-deild karla og förum nokkuð ítarlega yfir gang mála þar. Við tölum einnig um Meistaradeildina, Evrópudeildina og Sambandsdeildina ásamt að tala um KKÍ, KSÍ og HSÍ hvað varðar að tala ekki saman hvað varðar leikdaga og leiktíma félaga. Svanhvít er á línunni um Stjörnuna-Grindavík í gær og við spáum í úrslitaeinvígið Tindastóll-Stjarnan ásamt því að að tala um dómaramál KKÍ. Afhverju er ekki Davíð Tómas að dæma leiki? Afhverju er enginn að fjalla um þetta? Er þöggun í gangi? Þá ræðum við um evrópuboltann og fleira til. Njótið og takk fyrir að hlusta. 

1007.þáttur. Mín skoðun. 02052025

Heil og sæl. Í dag er nóg um að vera. Einar Jónsson þjálfari Fram í handbolta er á línunni um úrslitakeppni karla og kvenna og við tölum einnig um evrópuboltann í handbolta ásamt fleiru. Haraldur Hróðmarsson þjálfari Grindavíkur í fótoblta er í spjalli um Lengjudeildina sem hefst í kvöld og við ræðum einnig um Bestu deildina og Meistaradeildina. Halli í BK-kjúklingi er á línunni frá Liverpool-borg þar sem hann er að fara á leik á morgun en kappinn hefur selt fyrirtækið og þakka ég honum kærlega fyrir samstarfið. Yndislegur hann Halli. Svanhvít er svo á línunni um úrslitakeppnina í körfubolta karla og kvenna ásamt því að við tölum um Evrópudeildina og Sambandsdeildina ásamt ýmsu fleiru. Njótið og takk fyrir að hlusta. 

1006.þáttur. Mín skoðun. 29042025

Heil og sæl. Í dag heyri ég Kristni Kærnested og við tölum um enska boltann, Liverpool, íslenska boltann, meistaradeildina og evrópudeildina ásamt fleiru. Svanhvít er á línunni og við tölum um körfuboltann og handboltann hér á landi en úrslitakeppnin er í hámarki þessa dagana. Við tölum um ítalska boltann og spáum í spilin í evrópuboltanum nú í vikunni ásamt einhverju fleiru. Njótið og takk fyrir að hlusta og takk BK-kjúklingur fyrir að vera með okkur.