Mín skoðun

956.þáttur(Aukaþáttur). Mín skoðun. 16102024

Heil og sæl og velkomin í þennan aukaþátt þar sem viðtal er við Edvard Börk Edvardsson eða bara Börk í Val. Hann hefur nú ákveðið að láta gott heita sem formaður og er frá og með 21.október hættur eftir 21 ár. Margir titlar, mikil vinna, breyttir tímar, brottrekstrar þjálfara, laun leikmanna, umhverfið í dag og margt fleira er það sem við tölum um. Njótið og takk Börkur. Og takk BK-kjúklingur fyrir að vera með okkur í þessum þætti. 

955.þáttur. Mín skoðun. 15102024

Í þætti dagsins er nóg um að vera. Guðjón Þórðarson er á línunni og við förum yfir leiki íslenska karlalandsliðsins gegn Wales og Tyrklandi. Svanhvít er svo í spjalli um landsleikinn gegn Tyrklandi, Bónusdeildirnar í körfubolta, Sir Alex Ferguson og Man.Utd. og Kylian Mbappe ásamt Thomas Tuchel. Ásgeir Jónsson formaður handknattleiksdeildar FH er svo í spjalli þar sem við förum yfir leikina í Evrópudeildinni í kvöld hjá FH og Val en bæði lið spila í Kaplarkika gegn andstæðingum sínum. Frábær tvenna og það er uppselt. Takk fyrir að hlusta og takk BK-kjúklingur fyrir að vera með okkur. 

954.þáttur. Mín skoðun. 11102024

Í þætti dagsins er nóg um að vera. Landsliðsmál í fótbolta eru rædd(A-liðið og U-21), handboltinn hér heima, dómgæsla og fleira og svo körfuboltaumræða. Einnig förum við í aðra landsleiki í Þjóðadeildinni ásamt fleiru. Svanhvít, Kristinn Kærnested og Ásgeir Örn Hallgrímsson þjálfari karlaliðs Hauka í handbolta eru viðmælendur dagsins. Njótið og takk BK-kjúklingur fyrir að vera með okkur. 

953.þáttur. Mín skoðun. 08102024

Í þætti dagsins er komið víða við með þeim Kristni Kærnested og Svanhvíti. Besta deildin, enski boltinn, Bónus deildirnar í körfubolta, handboltinn hér heima, fréttir af Ten Hag, Krummasaga og margt, margt fleira. Takk fyrir að hlusta og takk BK-kjúklingur fyrir að vera með okkur. 

952.þáttur. Mín skoðun. 04102024

Í þætti dagsins eru fimm viðmælendur. Guðjón Þórðarson um Bestu-deild karla, Víking í evrópukeppninni og landsliðið. Einar Jónsson þjálfari karlaliðs Fram í handbolta um leiki gærdagsins og í kvöld ásamt fleiru t.d umfjöllun fjölmiðla, dómara og sitthvað fleira. Agla María Albertsdóttir(Breiðabliki) og Anna Rakel Pétursdóttir(Val) eru svo á línunni um úrslitaleikinn um Íslandsmeistaratitilinn í fótbolta á morgun. Þá hringi ég í Svanhvíti og við tölum um Bónus-deildir karla og kvenna í körfubolta ásamt því að spá í leiki helgarinnar hér heima og í enska boltanum. Inn í þetta allt saman blandast tvær Krummasögur, sú fyrri um KR og seinni um Val. Takk fyrir að hlusta og takk BK-kjúklingur fyrir að vera með okkur. 

951.þáttur. Mín skoðun. 01102024

Heil og sæl. Í þætti dagsins heyri ég í Kristni Kærnested og Svanhvíti. Við förum um víðan völl skal ég segja ykkur. Bestadeildin, Afturelding, enski boltinn, meistaradeildin, Krummasaga er varðar KR, Bónusdeildirnar í körfubolta, Olísdeildirnar í handbolta og sitthbað fleira. Njótið vel og takk BK-kjúklingur fyrir að vera með okkur. 

950.þáttur. Mín skoðun. 27092024

Í þætti dagsins er komið víða við. Haraldur Hróðmarsson þjálfari Grindavíkur ræðir við mig um úrslitaleikinn í Lengjudeildinni sem og úrslitaleikinn í fótbolta.net bikarnum og Bestu deildina.  Við spáum í fleiri hluti eins og hvar verður heimavöllur Grindavíkur á næstu leiktíð? Svanhvít er á línunni og við tölum um enska boltann, Bestu deildina, og spáin fyrir körfuboltann svo eitthvað sé nefnt. Þá hringi ég í Róbert Gunnarsson þjálfara Gróttu í handbolta. Við tölum um flotta byrjun seltirninga á leiktíðinni og spáum aðeins í hin liðin í deildinni og næstu leiki. Þetta og sitthvað fleira í þætti dagsins. Takk fyrir hlusta og takk BK-kjúklingur fyrir að vera með okkur. 

949.þáttur. Mín skoðun. 24092024

Heil og sæl. Í dag heyri í Hallgrími Jónassyni þjálfara bikarmeistara KA og ég skal bara segja ykkur að það hann er virkilega skemmtilegur viðmælandi. Þórhallur Dan er á línunni og við tölum um íslenska boltann, Dag Dan í Orlando, evrópuboltann og sitthvað fleira. Tóti Dan er svo skemmtilegur. Svanhvít er í spjalli og við förum yfir íslenska boltann, Olísdeildina í handbolta, Lengjudeildina, evrópuboltann og eitthvað fleira. Að lokum hringi ég óvænt í bikar-glaðan Halla í BK og við tölum einnig um Everton. Njótið og takk BK-kjúklingur fyrir að vera með okkur.

948.þáttur. Mín skoðun. 20092024

Heil og sæl. Í dag heyri ég í Kristni Kærnested og við spjöllum um boltann hér heima, bikarúrslitaleikinn á morgun, Bestu deildina, enska boltann og margt fleira.  Sigursteinn Arndal þjálfari FH í handbolta er svo á línunni og við ræðum um FH og handboltann hér heima ásamt því að hita aðeins upp fyrir evrópuleikina hjá þeim en Gummarsbach kemur hingað heim 15.október. Þá heyri ég í Svanhvíti og við spáum í leikina hér heima um helgina, bikarúrslitin, Bestu deild karla og kvenna, Lendjudeildina, enska boltann, ítalska boltann ásamt því að við tölum aðeins um meistaradeildina og sitthvað fleira. Njótið og takk BK-kjúklingur fyrir að vera með okkur. 

947.þáttur. Mín skoðun. 16092024

Heil og sæl og velkomin til leiks. Í dag heyri ég í Björgvini Þór Rúnarssyni handboltasérfræðingi og við förum yfir málin í boltanum hér heima og ræðum einnig aðeins um útsendingar í sjónvarpi. Hermann Hreiðarsson þjálfari ÍBV í knattspyrnu karla er ánægður eftir að ÍBV tryggði sér um helgina réttinn til að leika í Bestu deildinni. Verður Hemmi áfram þjálfari liðsins? Við ræðum einnig um umspilið í Lengjudeildinni sem og Bestu deildina og bikarinn.  Svanhvít er svo á línunni. Við ræðum um Bestu deildina, enska boltann, Meistaradeildina sem fer af stað á morgun og málaferlin gegn Manchester City ásamt fleiru. Njótið og takk fyrir BK-kjúklingur að vera með okkur.